TRONCA DE NADAL -Articulo de bentedeabiento.blogspot.com
Me permito la licencia de publicar este articulo aparecido en www.bentedabiento.blogspot.com y del que no soy autor
En a casa mía, os presens de Nadal os traye a Tronca
L´Ibierno ye prou furo, en muitos lugars d´Aragón. O fuego d´o fogar calienta la cozina, puesto an s´achunta la familia ta fer a vida.
A tronca ye una tradición aragonesa muito antiga de Nabidá.
Antis más se creyeba que a leña que se i cremaba en a nuei de nabidá yera maxica, perque trayeba os presens ta os/as ninos/ninas y os/as grans.
Ye a toza más gran d´a leñera, alzato esprés t´ista fiesta. Gosaba estar buedo u con bella radera t´alzar en a suya corada u arredol os presens que se i repartiban en a Nuei Buena.
Cuan se ficaba en o fogar yeran os ninos os encargaus de fer soltar a carga a base de trucazos repetius, que chunto a las frases, bendizions, rituals y as purnas que con cada trucazo saliban d´o fuego yeran a calor familiar y maxica d´una fiesta ancestral como la de o solsticio d´ibierno
Con a marcha rural ta las ziudaz, ista tradizión, como o resto de a cultura popular, cuasi que desaparixe sin dixar rastro
Queremos embitar-te á recuperar con nusatros ista polida alternativa a Papa Noel, y ficar en casa buestra atra bez a Tronca anque sólo se prete fuego en os buestros prexinallos... anque si tenez fogaril y chaminera, muito millor!!!
Como zelebrar güei a Tronca de Nabidá
Troba una toza xuta (u simplamén una taja, u bella emitazión de zuro de belén). En a Nuei Buena la pones en o fuego (si no entiens fogar, adorna-lo bien en o puesto de l´arbol de Nadal).
Antis, amaga en os cados y raderas de a tronca nuezes, almendras, mandarinas, carambels y lamins u mensaches que indiquen an se i troban os presens que no i cullen aintro.
Con un porron u solamen que con os didos mullatos de bin (u naranchada) fe bendezir a tronca a la familia, más que más a os ninos, con una formula que puedes improbisar u atra como ista.
Tronca de Nadal yo te bendizco en o nombre d´o pai, d´o fillo y d´o esprito santo, Amen.
Se debanta o porron y se diz, fendo cruzes:
Bebe tizón bebe porrón, tu per a boca y yo per o garganchon
Con bel tocho, se truca a tronca mientres que se rezan os deseyos de prosperidá ta la Casa como istos u los que t´imbentes:
Güen tizon, güen baron, güena casa, güena brasa Dios mantenga a l´amo y a la dueña d´ista casa.
Os estacazos se i reziben con goi mientres que os presens amanixen d´aintro de a tronca y de arredol d´era.
Goyosa Nadal.
