O Blog de Jorge Marqueta Escuer, o mixín.

O blog de Jorge Marqueta Escuer.

Temas

Enlaces

Archivos

 

PENIBLE

Fa bels diyas, o mixin se paseyaba por os tellaus d’a Plaza d’o Pilar e beyé arroclar-se una colla de chens fren à la puerta d’a Casa d’a Ziudat. Yeran as 12 d’o maitín . Salió a Corporazión . Toz callaron. Feban unos menutos de silenzio por un atentato terrorista.

 

Una colla de biellos repingaban banderas espanyolas e bocarraniaban. Biellos pocosmodos e irrespetuosos que crebaban o silenzio con entaltos à la Guardia Zebil e à Espanya, con faltadas enta bels miembros d’o Gubierno d’a Ziudat. Pediban muerte. Acusaban à qui fazieron negoziazións ta plegar à bel alcuerdo de paz. Remeremos, TOZ os Gubiernos espanyols (UCD, PSOE, PP, PSOE) han feito negoziacións à dibersas bandadas con os terroristas. No ye guaire estranio. No cal alticamar-se. No se conox dengún fenomén terrorista en o Mundo en o que no aiga esmeyato en bel inte la negoziazión entre ras partis.

 

A representazión instituzional d’a dreita nazionalista espanyola se feba una riseta. A suya enatizería xorronta. No tienen abalues eticos dillá d’una aparenzia de moral relichiosa formal, inestraficán e folklorica. En Madrid os comilitons d’istos nazionalistas espanyols clamaban à un conzellero d’a oposizión "maricona". Una conzellera d’o PP, muller d’un ex-Presidén de Gubierno d’o PP que negozió con os terroristas, que amanó presos etarras à Euskal Herria, charra de peras e manzanas como zamandunga chustificazión d’a espernible marchinazión d’unos ziudadáns por a suya ozión secsual . Aberráns.

O meyador d’as negoziazións ETA-Gubierno Espanyol d’a epoca d’o PP, o Bispe de Donostia (Monsenyor Juan María Uriarte) cretica en una pastoral l’autitut d’os meyos de comunicazión propiedat d’a Ilesia Catolica. Li abergoñan. No me estrania.

 

En Aragón, DENGÚN d’a dreita nazionalista espanyola ha demandato perdón à ras bitimas d’o 11-M por aber alentato ra "tioría d’a conspirazión". DENGÚN d’a dreita nazionalista espanyola ha amostrato repentimiento. DENGÚN d’a dreita nazionalista espanyola pena por aber partizipato en as siniestras conzentrazións d’os "pions negros". Son respaldiáns. No lis importan as bitimas. Nomás buscan o suyo profeito presonal e lo d’a suya inestraficán idioloxía. No tienen mugas. Xorrontan.

 

09/12/2007 18:42 Enlace permanente.

Comentarios » Ir a formulario

gravatar.com
Autor: Adrián

Son fascistas y punto. Estricalla o Faxismo!

Fecha: 09/12/2007 21:35.


Añadir un comentario

*

*
No será mostrado.


*

* Datos requeridos.
| Blog ciudadano realizado con Blogia 2.0 | Suscríbete: RSS | Administrar