O mixín

Ixotrodiya ganó la selezión d’a Federazión española de Fútbol 4-1 en l’Eurocopa.

Leigo güé en os papers cronicas enzenditas rinchatas de goyo nazionalista español. Ye lo periodismo esportibo esmesurato, desaxerato, o de “los partius d’o sieglo” (bels cada añada), o d’os triunfos “historicos”, o d’os “fracasos” sin paliatibos, d’as “ziudáz que ploran”, etz.... Intresán uso d’a luenga.

Leigo qu’en a COPE lo locutor, dezaga un gol, chilaba “mola, mola el General Mola”; ascuité en a Cadena Ser, de nueis, un locutor que remeraba o triunfo español cuentra l’URSS en as añadas sesanta “con el Caudillo, con Marcelino,...” (dizió).

Ista no ye a mía selezión, pero si estase español tampó no lo serba. Ista ye la selezión. De qui?