parolas

Encara que se me haya censurau, contino pensando que fan pena estas parolas i espero que no sía que una opinión concietera i minoritaria.

A mayoría d'as personas que treballamos por l'aragonés i o suyo estudio somos muit ilusionaus con a nueva Academia que se va a fer luego.

Cuento que os academicos, fueras de bel caso por problemas d'ego, son muit bien trigaus i eslitos. No entiendo (u repleco!) cómo se puede criticar una faina si encara no s'ha deixau naixer.

Como bien deciba Ixeya en a suya intervención censurada: "Pobra luenga aragonesa! Con bels amigos no calen (sic.) enemigos."
A verdat ye que esta ye una frase muit apropiada para o post an que ye.

Estoi d'alcuerdo de raso con o que dizes.
Me fa que iste II Congreso ye naxito con atras intinzions que esfensar a luenga aragonesa y fer un aragonés estándar y común, u siga una luenga de cultura.
Semella por o que se bei que a unica cosa que quieren ye esboldregar lo que dica agora s'ha feito por l'aragonés

Pues Luisa, leyendo o programa d'o Congreso, as zirculars, y a informazión que en i hai, no trobo por garra cabo ixo d'"esboldregar".

A unica funzión d'o Congreso ye a creyazión d'una academia. No se i fará atra cosa.

Ye dezir, que os congresistas nomás acudirán a las ponenzias y botarán una lista unica y zarrada d'academicos. Ye a saber: sí u no. Y prou.

Ixos son os regles d'o Congreso, y qui se i ha apuntau, los acatamos. Si yo no los azeptase, no me i abría apuntau ni miraría d'ir-ie.

En o Congreso, lo puez mirar si quiers, no se i charrará ni d'ortografías ni de modelo de luenga ni de cosa. Nomás s'aprebará a lista d'os futuros academicos d'a nuestra luenga.

Alabez, no sé, no entiendo cómo o Congreso puede esboldregar cosa...

Qui no tien quefer con o culo caza moscas.
1. En chulio de 2004 Consello, Nogará y Ligallo s'achuntón ta mirar de recobrar a unidat d'o mobimiento d'esfensa de l'aragonés, y mesmo enamplar-la enta os patrimonials, unibersidat.
2. Surtió a ideya d'o 2do congreso.
3. SE combocó una reunión que lo combocase.
4. Se plegó a un acuerdo de manifiesto anque se demanda comprensión y refirme a la soziedat aragonesa y se fabla de a nezesidat d'un modelo culto.
5. Tamién s'apreba en ixa reunión que se ferá o segundo congreso de l'aragonés anque se deberá triar una academia que nos arrocle a toz y que faga onra a l'aragonés (común y patrimonial) en o suyo prozeso de normatibizazión.
6. Se consiguió o refirme de más de 4000 personas y atros coleutibos,...
7. Una comisión organizadera ye estada achuntando-se dende allora mensualmén ta tratar cómo organizar o congreso y triar a los academicos.
7. En primerías cualsiquier persona que estió en a reunión de uesca d'o 2005 podeba aber estau parte d'a comisión organizadera, asinas que esta comisión se considera representatiba ta mirar de trobar un consenso.
8. Se trían uns criterios, que ta pribar suspicazias se ferán publicos de tot, y que se aprebón por unanimidat.
9. Una comisión abaluadera de 5 personas de diferens ambitos puntuón seguntes os baremos establius y se fazión as meyas. Se pilló a los 30 primers candidatos que i salión, belunos renuziarán.
10. Qui diz qui tien a capazidat ta estar-ie. Creigo que si 5 personas dan o suyo parixer nos amanaremos más a o consenso que si unos quieren imposar os suyos criterios.
11.No más una opinión s'ha negau a azeptar ixa lista a tamás d'aber feito muitas proposas ta plegar a bel consenso.
12. Qui critique a lista que nos diga por qué, quí sobra y por qué.
13. O problema ye que belunos quieren tener perén o poder, pero qué poder? En 30 años no emos conseguiu arroclar a los patrimonials, lebamos 8 años esperando una lei de luengas que nunca no plegará, ye o momento de crebar con a dinamica biziada d'os zaguers lustros y rediseñar estratechias.
Y no parlo sin saber.
Consulte-se l'aragones.com

Y lo dizes tu, que no sabes nian charrar aragonés? Fendo serbir imbentos como "pos da cullita á presonas cuala balura e competenzia". Fe a fabor de dezir-nos en qué bariedat d'aragonés bibo y reyal se puede trobar ixa barbaridat.
Como no lo podrás fer, perque no'n esiste garra exemplo d'ixe emplego conzietero, te leis un articlo de Artur Quintana en "Luenga & Fablas" sobre ixe mesmo tema, an que se critica ixe emplego.

Y dimpués te metes, dende a predicadera, si quiers, a criticar sin tener ni puta ideya.

A! Y dimpués, si quiers, puez zensurar iste testo, prou que sí.

Tallarez as flors, pero no podrez acotolar a primabera!

Perdón, m'he dixau que l'emplego conzietero ye de "cuala": "pos da cullita á presonas CUALA balura e competenzia".

Tu sí que no tiens balura, ababolaz!

No fiagaz caso, parix que agora belunos s'han enterau que esiste internet y nos quieren fer perder o tiempo.

Nagore y os suyos son capazes de tot con tal de continar en o poder (un poder cutre pero poder)... si ye menister estricallarán tot.

Han clamau a toque pito a chen que fa tiempo que no feba cosa, porque son quedan-so-sen solos.

http://fabla.org en venta

El problema de l'aragonés ye que estón poquez y tricolotiaus y ixo no puede estar. Atro problema ye que s'ha feto un modelo aparatau de la realidá, plen de conzietos y d'adautazions dende el castellano, tot ixo nos ha escarretau d'es qu'el parlan toz es diyas.

Cal reconoxer el troballo feto per todas las asoziazions dende tiempo abe, ye indiscutible el troballo de publicazions d'o consello, el troballo de sensibilizazión de ligallo y el troballo d'amostranza de nogará, per nombrar cualque ixemplo.

Pero la iniziatiba de l'academia no saca cosa a dengún, si las instituzions no fan garra petén tadebán caldrá fer-lo.

Las atras instituzions academia de atras parlas, han feto igual, dende la iniziatiba pribada y dimpués son reconoxidas, no han estau creadas en primerías pe's poders publicos.

No más pido que si amamos esta lengua, si querén que biba, que nos deixén de tricolotecos,de fizconeos, d'ixauguadizos entre nusatros y nos zentrén en troballar CHUNTOS y con CORDURA, no poder permitir que l'aragonés funixca agora que ye más rebiscol que nunca y las condizions son millors.