Más sobre l'Academia de l'aragonés
Bien, beigo por os comentarios que amanixen arredol d’iste tema que cuasi tota ra chen que los fa s’arringlera con a mobida conzietera d’as "-t" zagueras e atras fateras semellans.
Ye curioso que digan que gosan esfensar l’aragonés cuan ni sisquiera adempribian a ortografía autual que democraticamén s’aprebó en o I Congreso.
Ye curioso igualmén que empleguen bocables ultralocals dintro d’un modelo estándar.
Ye curioso tamién que cuasi toz os blogs que dan cullita á ra suya ideolochía lingüistica (si ye que en tienen) no tiengan o binclo ta o Consello, asoziazión enta ra que, con cualsiquier desincusa y enchaquia, gomecan zapos e cullebras.
Por ixo, no ye curioso que dixen entrebeyer o suyo sozcoszién en identificadors como fozín, pos as suyas parolas chuman, amás d’odio, porquería.
Torno á iterar: Pobra luenga aragonesa, con bels amigos no cal enemigos.
Comentarios » Ir a formulario
Autor: Charrabís
Ya veigo que continas terne que terne sin veyer dellá d'as tuyas ideyas.
Pues oye, ya me perdonarás pero te voi a fer un repaso d'esta zaguera noticia porque trobo que ye feita con mui mala folla i no fe ma goyo de leyer publicament este tipo de criticas enta altras personas i enta yo mesmo:
1. As cosas, antes d'escribir-las en un blog, cal pensar-las bien. Hi hai gent que nos podemos ofender si lo fas asinas.
2. Quan escribas una noticia, mira que o suyo títol tienga relación con o que se diz debaixo. No faigas como en esta que no tiene cosa a veyer i te queda fatal (esto con a practica lo dominarás, no te'n faigas).
3. (Sobre o parrafo I): Mira de no descalificar a os tuyos comentaristas. En este comentario no voi a criticar o tuyo "aragonés". Pero me faría goyo que no tornases a ir en ixe plan porque no quiero perder o tiempo por agora, por favor.
4. (parrafo II): Agora sí que puetz decir que no foi servir ixas cuatro u cinco normas que dices diferents d'o espanyol.
5. (Parrafo III): Quan escribas, leye o que has redactau i con qué parolas, porque pareixe que no tiens capacidat d'autocritica. Esto sí que ye curioso.
6. (P. IV): Si leyes o mío blog, te trobarás que no hi hai vinclos a garra asociación fueras de "Chuntos", que hi son todas!. Repito, quan parles d'una cosa, fe-lo con conoiximiento de causa, anda.
Por cierto, qué raro que tú nomás faigas vinclo a o Consello. No sabes que ixo sí que puede estar de mal pensar seguntes tú? T'animo a que visites altras asociacions an que tamién podrás millorar o tuyo modelo.
7. (P. V): Qué pena que no sepas l'animal que ye o charrabís, igual medibas millor as tuyas criticas. Repito, i con este parrafo más encara, que no creigo que faigas bien en insultar-me gratuitament a yo, a fozin, i a la resta d'os tuyos comentaristas. Podrías (u poderbas) borrar ixe parrafo, por favor?
8. (P. VI). M'alegra que dimpués d'a corrección lingüistica que te fació Ixeya cambiases a error que hi heba en a tuya frase! Agora sí que la puetz repetir sin vergüenya.
Un saludo, espero que no se me torne a censurar ni insultar en este blog injustament, gracias.
Fecha: 29/06/2006 14:07.
Autor: fozin
Fecha: 29/06/2006 18:50.
