MANIFIESTO CONTRA A SUPRESIÓN, POR PARTE DE O CONZELLO DE ZARAGOZA D'A REALIZAZIÓN D'A FERIA DE L’AMOSTRANZA

En nobiembre de 2006, o Conzello de Zaragoza organizó a I Edizión d'a Feria d’Amostranza.  Dende as  Asoziazions Culturals participans aculliemos a ideya con intrés y entusiasmo porque suposaba poder sacar t'a carrera y fer bistero o nuestro treballo debán d'a soziedat. De bez, esta feria feba onra ta fazilitar o contauto entre os coleutibos que nos adedicamos a la esfensa y difusión d'a luenga y a cultura popular aragonesas. A zentrica y azesible ubicazión d'a Feria, una carpa en a Plaza d'o Pilar, fazilitó que milenta de personas nos besitasen y disfrutasen con as autibidaz, tallers y cursos que se desembolicoron. 

Lamentablemén, y tasamén una añada dimpués de l'exito d'a primer edizión, a Feria ha disapareixiu d'o mapa d'autibidaz munizipals sin que se nos ne dé explicazions. Resulta paradoixico y contraditorio que, d'una man, muitas d'as nuestras asoziazions sigan estadas declaradas d'intrés publico munizipal, y d'una atra, y d'a man d'a mesma instituzión, se supriman as oportunidaz t'amostrar publicamén o nuestro treballo.  

As Asoziazions culturals y sozials partizipans en a Feria de l’Amostranza, con o refirme de personas y entidaz relazionadas con a recuperazión, esfensa y difusión d'a luenga y a cultura popular aragonesas asinas como atras que s'han sumau a la iniziatiba. 

MANIFESTAMOS:

O nuestro refús total a la disaparixión d'a Feria d’Amostranza d'o mapa d'autibidaz culturals de o Conzello de Zaragoza.

Entendemos que ye de importanzia graniza ta nusatros, y por extensión, t'os intreses culturals d'os zaragozanos, que se torne a combocar y organizar a Feria d’Amostranza, en os mesmos, u terminos parellanos en que fue combocada en nobiembre de 2006.

Por o que solizitamos una mayor responsabilidat en as actuazions culturals lebadas a cabo por a corporazión y un compromís reyal basau en procheutos seriosos y responsables y que no dependan d'intreses bariables, politicos y economicos. 

Zaragoza, chinero 2008

http://manifiestoferiadelamostranza.blogia.com/ 

feriamostranza@hotmail.com

29/01/2008 19:50 Enlace permanente.

Comentarios » Ir a formulario

No hay comentarios

Añadir un comentario




No será mostrado.